जन्मिदै बाले फालिदिनु भनेका थिए रे: Nirmala Devi Timsina Cyprus, Europe

झरेको पात " जन्मिदै बाले फालिदिनु भनेका थिए रे बाकै मुखराबीन्दबाट सुनेकी थिएँ l ओछ्यान परेकै बेला, थलिएकै बेला l खेल्दा लागेको तिरको तारो हुँ, म भेट्नु खुस्किएर झरेको पात हुँ l मेरो जन्मको अपेक्षा न बालाई थियो न आमालाई नै थियो l अवैराग्य समयको अबैधानिक सन्तान l जन्मिदै तिरस्कृत भएपछी जिबन कहाँ स्वीकृति हुन सक्छ र!!? तिमीलाई सन्तानको रहर पुगेको थियो तर बाले भनेको किन मानिनौ आमा? यदि तिमीले मानिदिएको भए, मैले बेलैमा स्वर्ग र शान्ति प्राप्त गर्ने थिएँ l मलाई दुख दिने मेरा संघर्षले पनि स्वर्ग र शान्ति प्राप्त गर्ने थिए l अहिले हेर त आमा, यी संघर्षहरु बेजोड जागेका छन् मलाइ कुदाउँदै,थकाउँदै उडाइरहेका छन् l झरेको पात न हुँ कहिले पहरामा ठोकिएँ, कहिले जंगलमा अल्झिएँ l आमा संघर्षले मलाइ गन्तब्यहीन बनायो l बिगतदेखि बर्तमानसम्म ठोकिरहें, अल्झिरहें l स्वर्गको बाटो हराएको छ, अल्मलिएको छ भोलि भोलि भन्दा भन्दै भोलि भेटिएन भोलि त अन्जान रहेछ, त्यसैले भबिस्य अन्जान छ l कहिले दन्किने चितामाथि पुर्याउछ र भिषण राप पश्चात शान्ति मिल्छ, स्वर्ग मिल्छ म,भेट्नु खुस्किएर झरेको पातलाई!!l - निर्मला देवी तिम्सिना कान्छी